melalcóholica

recorrencia verbal

por exceso de silencios

nas palabras

que falas para encher o calado

cando eu non sei o que digo.

(será do imposto, que fai de ricos o consumo de tempo e termos)

e sempre,

sempre a ausencia de guión

nos diálogos, 

que encho ausente,
tamén,
por non perderme

(que o billete non o paguei eu, non, que o mercaches no camiño)

cando os soños son caros de máis para adquisición común.

coma o de ser díptero,
que se reflicte insípido nas sopas de letras
onde é obriga escribir ortográfico para voar.