Produciuse un erro neste gadget

3.9.11

son(s)

Bach era un sentimentalista.

contoumo un día de choiva, neses nos que xea o sol e fai vento con nubes.
coma cando cunha culler mollas auga en burbullas;
o mesmo, vento con nubes.

mágoa que dera en chover nas nubes do café e agora o vento se evaporase.
coma a choiva, que emite radiacións e molla.

adícate a mollar palabras, coma min.
dicíame.

porén, nin el nin eu somos quen de dicilo todo nun silencio
nin de silencialo todo nunha palabra.
coma Bach.

mollóusenos a choiva, máis nada.
a el coa música.
a min coas palabras.


son(s) silencio.
saber o que sei antes de non sabelo xamais.


Ningún comentario:

Publicar un comentario