inmolarse

doctor,

si me deja tomar este tequila
le prometo no beber en mi funeral. Frida Kahlo.

escrita demagóxica

principio de acción subsidiario da paz resulta selo a guerra, 

dádiva en comuñón coa sutileza da vida. 

satisfeitos, 

erguemos o puño sempre que o imperativo prende a chama da coraxe
ao tempo que entebrece a carraxe insurrecta. 

mais covarde é a submisión 

ao tempo que,
no baleiro existencial da loita química,
o explosivo é agrupación oblicua 

da colisión,

da cohesión

de cando berramos
avante, utopía procesada!
porque a vitoria existencial xa fai que, 

a perder a vida, 

morreu. 

que a mataron. 

que a matamos. 

que a estamos matando coa pólvora dos sicarios,

agora que só nos resta ser déspotas da inocencia. 

que se dous e dous xamais foron catro na aritmética artilleira 

tampouco o serán 

agora que só nos resta sumar napalm.

despois trunfar

primeiro ser

e por non ser, idealizar 

(e trunfar)

mentres é doado crer na insurrección,

tan ferida na verdade do real,

cando o mirar representa o desengano dun mesmo.

dime, eu, 

ti que ouves do sentir

e do ser que ver

(e do trunfar)

que do ser,

perder, morrer, 

querer.

primeiro ser, 

querer;

despois trunfar,

idealizar.

papel reciclado

yo aquí,
escribiéndote.

tú allá,
borrándote. Jaime Sabines.

éter

so what happens when the heart gives up
but the body goes on living? The Frames.

*

orgánico.

volátil.

radical de hidrocarburo

anestésico

da adversidade.

aínda que me queden grandes as palabras.

catro letras:

ti

e mailo éter.

vendeunos un soño

a man tells his stories so many times
that he becomes the stories.

they live on after him,
and in that way

he becomes inmortal. Big Fish.

451º

se despidió de ella llorando
y diciéndole adiós, pequeño capullo.
me senté a mi mesa solo
y estuve pensando hasta que supe cual era aquel nombre fatal
y cómo el capullo se había marchitado antes de florecer. Fahrenheit 451.

*

os sentimentos tamén arden
na escala Fahrenheit.

álxidos

di que son parte dalgún tipo de pornografía.

verbo da erótica,
viste e move con recato
posto que de espirse sería
sentir-me,
acción oposta ao pudor
que ten
rotundo o carácter do obsceno.

son combustión bébeda de tanto;
de todas e cada unha das grafías inflamables co tacto,
de tan só como sinto saber que ardo,
bebendo do aire nú,
intermediario da propia queima orgánica.

mais ardemos escritos e,
así,
lumes da paixón propia,
cinzas do alleo.

ela

fai plans para cambiar o mundo
namentres é este quen a muda;
nena, paraíso inhabitado
sen coñecemento previo do que foi.

a ficción ten dela o que rexeita en termos do real.
porque a verdade atópase na alma,
no agoiro dos bosquexos que sostén, tan vítima
da ilusión

do que non é;
do que non será;
do que quere imaxinar.

ela,
tan controversia da súa existencia.
tan nena.

ademais do de menos

aime-moi moins
mais
aime-moi longtemps. Les Chansons d'amour.