19.4.11

a orixe


inconfundíbel o cheiro a choiva
que tinxe o papel pautado
a base de badaladas de titanio.

maldigo a persistencia retiniana
que gustaches denominar efecto φ.

por que os sentimentos con azucre
son máis amargos que os Sugus cor púrpura?

lembras os barcos de papel
que mamá afogara no vaso de auga?

agora parten en dous a súa consistencia
por termos soñado cos cráteres da lúa,
que cuadricularon as reixas dos teus iris.


Ningún comentario:

Publicar un comentario